Gómsætar Sörur.

600 gr. Möndlur  
500 gr. Flórsykur
11 – 12 stk. Eggjahvítur  
Möndlurnar malaðar, ekki í duft. Flórsykur sigtaður og bætt í. Eggjahvítur stífþeyttar og blandað varlega saman við. Sett með teskeið á ofnplötu klædda bökunarpappír og bakað við 180°C í u.þ.b. 10 mín. Ef notaður er blástursofn hafið þá hitann u.þ.b. 160°C.
Ca. 200 stk.

Kremið
11 – 12 stk. Eggjarauður
2 ¼ dl. Strásykur
2 ¼ dl. Vatn
500 gr. Smjör
3 msk. Kakóduft
1 msk. Neskaffi.
Sjóðið vatn og sykur í einskonar síróp. Eggjarauður þeyttar og sírópinu hellt í mjórri bunu út í. Þeytið vel á meðan blandan kólnar, uns hún er  ljós og  létt. Sigtig kakó og kaffiduftið og hrærið saman við mjúkt smjörið svo verði kekkjalaust og bættið því saman við eggjablönduna. Smyrjið kreminu á botnana á kökunum og frystið.
Þegar kökurnar eru orðnar vel stýfar er kremhlutanum dýft í súkkulaðihjúp sem er gerður úr góðu hjúpsúkkulaði sem er brætt yfir vatnsbaði og haft rétt volgt svo hjúpurinn verði ekki of þunnur. Geymast vel í frysti.

Tekið af vefnum:       http://www.maturinn.com/index.htm