Er Bændablaðið ríkisstyrkt áróðursblað?

Bændablaðið hefur annað slagið verið í póstkassanum hjá mér og hefur maður flétt í gegnum það, greinilega svokallað "fléttiblað". Margt ágætt er í blaðinu en strax verður manni ljóst að þetta er hagsmunablað bændastéttarinnar, að minnsta kosti hluta hennar. Spurning er hvort rétt sé að ríkisstyrkja þessi samtök til blaðaútgáfu frekar en mörg önnur? Ætli Neytendasamtökin sem dæmi, njóti svipaðra ríkisstyrkja og bændasamtökin?

Hér er athyglisverð frétt um blaðið:

Ritstjóri hætti vegna þrýstings eigenda:

 Áttu að vera í stríði gegn ESB

Ráðinn ritstjóri Bændablaðsins

Athugasemdir

[Gunnar Heiðarsson, 15.1.2011 kl. 17:11]

Það er lengi hægt að hártogast um hvort eitthvað sé ríkisstyrkt vegna þess að einhverjir því tengdu fá styrk frá ríkinu. Það eru alla vega engir ríkisstyrkir sem fara beint til Bændablaðsins, þó eigendur þess fá framleiðslustyrki.

Það vekur upp þá spurningu hvort RUV sé þá ekki vanhæft þar sem það er rekið af ríkinu, eða 365 miðlar sem fengu niðurfelld lán hjá eina ríkisbankanum. Þó eru þessir miðlar duglegir við að tala máli ESB sinna. T.d. er í morgunútvarpi RUV nær daglega kallaðir til menn sem halda uppi beinum áróðri með ESB, án allra mótraka, sumir hafa jafnvel fasta vikulega pistla til þessara nota!

En aftur að Bændablaðinu, það er eina málgagn bænda. Það er ljóst, hvernig sem á málið er litið, að afkoma bænda MUN versna við inngöngu í ESB. Þetta hafa bændasamtökin kynnt sér rækilega og voru komnir af stað með þá vinnu nokkru áður en umsókn var lögð fram. Þeir hafa einkum leitað til sinna kollega á norðurlöndum, þá helst í Svíþjóð og Finnlandi. Allar niðurstöður eru á þann veg að kjör munu versna, einstaka greinar munu þó hugsanlega standa í stað.

Það eru engin hagsmunasamtök sem hafa kynnt sér jafn vel hvað ESB aðild þíðir fyrir þau, eins og bændasamtökin. Þetta hafa þau gert til að geta tekið upplýsta afstöðu.

Hvað er þá eðlilegra en að bændur vilji að þetta málgagn þeirra fjalli um málið á þeim grundvellii? Annað væri í hæsta máta óeðlilegt!!

Bændablaðið er ekki ríkisstyrkt, en hvort það sé áróðursblað fer eftir því hver skoðar það, alveg eins og aðrir miðlar.

[Elías Stefáns., 18.1.2011 kl. 05:23]

Takk fyrir innlit og þína ahugasemd.

Ég tel engu skipta hvort fé frá ríkinu komi beint eða óbeint á meðan það kemur úr vasa almennings!

Athyglisverð lesning hér:  

http://www.rikisend.is/fileadmin/media/skyrslur/buvorusamningar.pdf