Vestmannaeyingar hittast á laugardag.

Árlegt fjölskyldugrill Átthagafélags Vestmannaeyinga á Reykjavíkursvæðinu
verður haldið n.k. laugardag.

Að þessu sinni er grillið haldið við Gufunesbæ í Grafarvogi (sjá kort), þar er mjög góð aðstaða, barnvæn og örugg.

Þarna hittist fólk sem hefur jafnvel ekki sést í áratugi, gamlir nágrannar, kunningjar og vinir taka spjall, rifjaðar eru upp skemmtilegar sögur og minningar frá heimahögum.
Á meðan geta börnin leikið sér við fjölbreytt leiktæki sem eru í boði. Þarna er glæsilegur klifurturn, hjólabrettabraut, Folfvöllur og strandblak, svo eitthvað sé nefnt.

Ef eitthvað er að veðri er einfaldlega hægt að vera innandyra í góðu skjóli.

Nánar um grillið á vef ÁtVR.